Tormod Vågen
Tormod Vågen (12. september 1903 i Uskedalen, Kvinnherad – 3. april 1970 i Oslo) var ein norsk teolog og misjonsleiar. Han var generalsekretær i Norsk Luthersk Misjonssamband frå 1936 til han døydde i 1970, og underviste frå 1931 ved Fjellhaug i Oslo. Ved sida av om lag 15 oppbyggelege og misjonsfaglege bøker skreiv og omsette han salmar på nynorsk, mellom anna to tekstar som står i Norsk salmebok 2013.