Othilie Tonning
Anna Othilie Tonning var ein norsk pioner innan frivillig sosialarbeid, fødd på Lindøy ved Stavanger 4. januar 1865 og død i Oslo 6. februar 1931. Ho vart frelsesoffiser i 1891 og leia Frelsesarmeens sosialarbeid frå 1898 til ho døydde, som mangeårig sjef for slumsøstrene og oberst i Frelsesarmeen. Ho innførte mellom anna julegryta (1901), barnekrybber, mødreheim og aldersheim, sat i Oslo bystyre i tre periodar frå 1907 og skreiv fleire kristelege songar.